ក្នុងដំណើរបំពេញបេសកកម្ម លើទឹកដីខេត្តសៀមរាបគណៈប្រតិភូក្រុមមិត្តអន្តរសភាបារាំង-កម្ពុជា ដឹកនាំដោយឯកឧត្តម Vincent Eblé សមាជិកព្រឹទ្ធសភាបារាំង និងជាប្រធានក្រុមអន្តរសភាមិត្តភាពបារាំង-កម្ពុជាអមដំណើរដោយលោកជំទាវ អ៊ុំ សូម៉ានីន សមាជិកាក្រុមអន្តរសភាមិត្តភាពកម្ពុជា-បារាំង និងជាសមាជិកាព្រឹទ្ធសភា ឯកឧត្តម លីម ប៊ុនហុក អគ្គលេខាធិការរងព្រឹទ្ធសភា បានអញ្ជើញទស្សនាប្រាសាទនានាក្នុងខេត្តសៀមរាប រួមមាន៖ ប្រាសាទមេបុណ្យខាងលិច ប្រាសាទអង្គរវត្ត អង្គរតូច អង្គរធំ ប្រាសាទបាយ័ន ព្រមទាំងប្រាសាទបុរាណផ្សេងៗទៀត ដែលស្ថិតក្នុងខេត្តសៀមរាប នាព្រឹកថ្ងៃទី១០ ខែឧសភា ឆ្នាំ២០២២។ ក្នុងឱកាសនោះ ក៏មានការចូលរួមពីអាជ្ញាធរអប្សរា អាជ្ញាធរយូនីកូដ និងមន្ទីរជំនាញពាក់ព័ន្ធ។
ប្រភព៖នាយកដ្ឋានព័ត៌មាន
